ప్రాంతీయ వార్త ప్రతినిధి జూన్ 09
కామారెడ్డి జిల్లాలో కాంగ్రెస్ పార్టీకి సొంత కార్యాలయ భవన నిర్మాణానికి చారిత్రాత్మక అడుగు…*
*డీసీసీ అధ్యక్షులు ఏలే మల్లికార్జున్ గారి పట్టుదల ఫలితం… జిల్లా కాంగ్రెస్ పార్టీకి ఒక ఎకరం భూమి కేటాయింపు
*📍 కామారెడ్డి, జూన్ 09:*
కామారెడ్డి జిల్లా చరిత్రలో ఎన్నడూ లేని విధంగా జిల్లా కాంగ్రెస్ పార్టీకి సొంత కార్యాలయ భవనం నిర్మాణానికి మార్గం సుగమమైంది. కామారెడ్డి జిల్లా కాంగ్రెస్ కమిటీ అధ్యక్షులు *ఏలే మల్లికార్జున్ గారి* నిరంతర కృషి, పట్టుదల మరియు ప్రత్యేక చొరవతో జిల్లా కేంద్రంలో కాంగ్రెస్ పార్టీ కార్యాలయం కోసం ప్రభుత్వం ఒక ఎకరం ప్రభుత్వ భూమిని కేటాయించింది.
దేశానికి స్వాతంత్ర్యం సాధించిపెట్టిన, 140 సంవత్సరాల ఘన చరిత్ర కలిగిన భారత జాతీయ కాంగ్రెస్ పార్టీకి కామారెడ్డి జిల్లాలో ఇప్పటి వరకు శాశ్వత కార్యాలయ భవనం లేకపోవడం కార్యకర్తలకు ఒక లోటుగా ఉండేది. ఈ అంశాన్ని డీసీసీ అధ్యక్షులు *ఏలే మల్లికార్జున్ గారు* ప్రత్యేకంగా రాష్ట్ర ప్రభుత్వ దృష్టికి తీసుకెళ్లి, జిల్లా కాంగ్రెస్ పార్టీకి సొంత కార్యాలయం అవసరాన్ని స్పష్టంగా వివరించారు.
కామారెడ్డి జిల్లాలో కాంగ్రెస్ పార్టీకి ఇప్పటి వరకు శాశ్వత కార్యాలయం లేకపోవడంతో, ఈ అంశాన్ని డీసీసీ అధ్యక్షులు *ఏలే మల్లికార్జున్ గారు* తెలంగాణ రాష్ట్ర ముఖ్యమంత్రి *శ్రీ ఎనుముల రేవంత్ రెడ్డి గారి* దృష్టికి తీసుకెళ్లారు. అలాగే పీసీసీ అధ్యక్షులు *శ్రీ మహేష్ కుమార్ గౌడ్ గారితో* పలుమార్లు చర్చించి జిల్లా కాంగ్రెస్ పార్టీకి సొంత కార్యాలయం అవసరాన్ని వివరించారు.
ఏలే మల్లికార్జున్ గారి* విజ్ఞప్తికి సానుకూలంగా స్పందించిన రాష్ట్ర ప్రభుత్వం, కామారెడ్డి జిల్లా కలెక్టర్ కార్యాలయం పరిసర ప్రాంతంలోని అడ్లూర్ శివారులో సర్వే నంబర్ 527/42/1/2లో ఒక ఎకరం ప్రభుత్వ భూమిని జిల్లా కాంగ్రెస్ పార్టీ కార్యాలయ భవనం నిర్మాణం కోసం కేటాయిస్తూ అధికారిక ఉత్తర్వులు జారీ చేసింది.
ఈ భూమి కేటాయింపుతో కామారెడ్డి జిల్లా కాంగ్రెస్ పార్టీ కార్యకలాపాలకు శాశ్వత చిరునామా లభించనుండగా, పార్టీ కార్యకర్తలకు సమావేశాలు, శిక్షణా కార్యక్రమాలు, ప్రజా సమస్యల పరిష్కారానికి ఒక స్థిర వేదిక అందుబాటులోకి రానుంది. భవిష్యత్తులో పార్టీ బలోపేతానికి ఇది కీలక మైలురాయిగా నిలవనుంది.
ఈ సందర్భంగా డీసీసీ అధ్యక్షులు *ఏలే మల్లికార్జున్ గారు* ముఖ్యమంత్రి *రేవంత్ రెడ్డి గారికి,* పీసీసీ అధ్యక్షులు *మహేష్ కుమార్ గౌడ్ గారికి,* అలాగే సహకరించిన జిల్లా అధికారులకు కృతజ్ఞతలు తెలిపారు.
కాంగ్రెస్ పార్టీ బలోపేతానికి, కార్యకర్తలకు శాశ్వత వేదిక కల్పించాలనే లక్ష్యంతో చేసిన ప్రయత్నాలకు ఇది ఫలితం. జిల్లా కాంగ్రెస్ కార్యాలయ నిర్మాణాన్ని త్వరలోనే ప్రారంభించి ఆదర్శవంతమైన పార్టీ భవనంగా తీర్చిదిద్దుతాం” అని డీసీసీ అధ్యక్షులు ఏలే మల్లికార్జున్ గారు పేర్కొన్నారు.